وريث الجرح - عادل الظفيري
تبعثر حلمي الفطري على كف السحاب وجيت
أبجمع من شتات الأرض بقايا حطام وجداني
لقيت الباقي عظام وقصايد ذكريات ( كويت )
وطفوله قاسيه وجرح وجريمه تسترالجاني
تفكرت بمعاناتي ولقيت أحلا العمرتشتيت
تفاءلت بفرح بكره وأنا أدري ضيوفي أحزاني
وأنا أدري باقيُ ساعه لجنونٍ محسن التوقيت
ولكن بأجمع حطامٍ تناثرلأجله إنساني
حرام يضيع مفهوم الحقيقه في ذرى التصويت
حرام يخونني وقتي ويسرق روعة ألحاني
أبجمع ماتبعثر لي وأببني من حطامي بيت
لعل اللي يتوارثني يكون أرحم على إخواني
وريثي لا تبعثرها إذا مات الجسد وأقفيت
توارثها( وريث الجرح ) لأن الورث ربّاني
وأنا موادع عن الدنيا من طعون الحفر مليت
وأبترك لك على صدر الزمن ذكراي وإقراني