وطن وينك؟ - عادل الظفيري

وطن وينك؟
وتبقى غالي بعيني..
رغم هالقيد بيديني.
ورغم ذيك العجوز اللي
بكت حسره على غيابي..
وزفرة آه أسمعها..
تناديني...
ورى جدار السجن تصرخ.
تناديني..
يعادل يابعد عيني..
وأنا أمك لاتخليني..
وأنا بحيره..
سجين وداخلي ضيقه.
وحيد أنسج من أشعاري.
حزن يشبه حزن أمي..
لأنك ياوطن فيني.
ومني وتسكن بدمي..
وجمهوري مساجينك.
مساجينك..
وطن تعرف مساجينك...؟
هم عيالك .. هم عيالك.!
وطن تدري شكثر مثلي ...!
يحبونك...!!؟
رغم هذا الحزن كله..
ليا منه يبس لك ريق.
وحامت في سماك أسراب...
سقوا أرضك ولاتعطش..
طهارة دمهم بإخلاص...
وتموت أرواح وأنت تعيش.
وأنا بسجني..!؟!؟
حزين وبائس لحالي.
أقول إنك ترى غالي..
وأبومتعب ترى غالي.
ولكن ياوطن..
ممكن ..؟
أبسأل ليش .؟
أنا مسجون..!!!!
لأني أعشق ترابك ..!
تظنه طيش ..!!!
على فكره .
أنا مسامح..
أنا مسامح.