احتجت مره امدح امير - عادل الظفيري
أحتجت مره وقلت ألولح على أمير
يب ينتشلني من الضياع وركامه
جهزت جرحي في جناحين بيطير
قلت بيلاقي في مطيره مرامه
بنيت في حلم الرجاوي تياسير
قررت أخالف جاهزٍ للغرامه
ووصلت قصرٍ تزدحم به طوابير
حتى البشوت تزاحمك بالندامه
لوتلتفت يمناك صفة غنادير
والكل منهن مرخي لك لثامه
واللي معاق ومنهكه زحمة السير
واللي ضرير وأفقدوه إحترامه
وأيتام وإلعنة الثوى وحالةٍ غير
شعبٍ توجه من ظلامه لظلامه
وبطانة الطغيان شيالة الطير
الكل منهم يضربك في حزامه
والمنكسر زادوه غبنٍ وتكسير
من فوق جور الفقر زادوا حطامه
دورت للطغيان حجه وتبرير
ولاتهيا من السلامه سلامه
حزت بنفسي وصار مدحي مخاسير
ومن دون شوفه رجعتني الكرامه