إسطورة - عبدالرحمن الغبين
قبل لا يوجد الكون الوسيع ولا يطير الطير
قبل لا يزهر النرجس ولا البلبل يغني لك
قبل لا تُنْطق ( احبك ) و لا يُعْرف لها تعبير
قبل لا تشرق الشمس وقبل لا ينتصف ليلك
تلاقت روحك وروحي ، وهمست ب ( يا صباح الخير
احبك ) وانعرف معنى المحبه وصرت اناديلك
( حبيبي ) وغرّد البلبل ( حبيبي ) واشرقت تنوير
شموس الكون وابصرت الحياة وشفت قنديلك
وشفت النرجس مزهّر ، وشفت ان الفضا ذا غير
وطار الطير ، واستبشر ضمى اللي ضامي لنيلك
وشفت ان الهوى انفاسك ، شهقتك ما نويت ازفير
وشفت الليل متسرمد قديم بخصلة اجديلك
وشفته في صباح العيد اعتم كامل التدوير
بوسطه تلمع ثريا ، سهامك رمحك وخيلك
عيونك صارت ايامي وليالي البوح والتفكير
وصرت العاشق الضامي مع اني غارق بسيلك