الليال الحزينة - عبدالعزيز العبدالله السناني
جيتك من أعماق الليالي الحزينه
أرجوك يكفي روعة القلب منها
قلبي ملاه الخوف وأبي السكينه
عطني نهارك يبعد الخوف عنها
مريت باوقاتٍ على القلب شينه
سود الليالي تجرح اللي سكنها
ناداك قلبٍ موقدٍ به حنينه
فرحة زمانه في عذابه دفنها
مسافة الحرمان بينك وبينه
ليتك تقصر في حنانك زمنها
روحي ثمينة والله إنه ثمينه
وبالوضع هذا خايف أدفع ثمنها
الهاجس اللي شالني في يمينه
أقفى بقلبي بين كف ورسنها
أنت الهوى وأنت البلد والمدينه
والروح دونك تغترب في وطنها