دلوهٍ مايحسّ - عبدالعزيز العبدالله السناني
دلوهٍ مايحس بجرح غيره
ولا ينشد عن قلوبٍ كواها
دلوه ومارحم عيني سهيره
تبيّن له دموعي من عناها
يسلي بالهوى نفسٍ غريره
عن التعذيب نفسه ما قواها
ينام الليل وعيوني سهيره
ولا يشعر بدمعٍ من عناها
يعرف الجرح مايسعى بخيره
من النسيان كم روحٍ طواها
يشوقه لشوفتي بحالٍ خطيره
وروحي منه وصلت منتهاها
وقلبي بصبعه خاتم يديره
وروح صاحبي بدا طواها
إلى جيت أتشده وجهه يديره
يصد في ضحكته موتي وراها
تعال أوقف على عيني سهيره
تشف اللي فراقه من عناها
سهر ودموع يالغالي .. وحيره
تعال نفسي ملت من شقاها
عساه لشوفتي ياله ضميره
ويدرك نفسي .. قرّب منتهاها