التترّس - عبدالعزيز بن سعود
تترّس اللي باغيٍ حضر الأسلام
الا مع الكفار في حرب مله
تترّسو بأطفال وكبار وايتام
والدين حرّمها على الكل كله
هذي مناهج فكرهم طول الايام
ربي كشف لأمة محمد سجله
يغويهم الشيطان عام بعد عام
ماكن اهل دين الشريعه هل له
مخالفين الشرع والفكر هدام
فكر العقول الملحدات المغله
من طاح منهم طول الايام ماقام
يموت موت شرّع الرب ذله
حنا هل التوحيد والعلم قدام
دين الشريعه كلنا فدوةٍ له
من عارض اهل الدين بشكوك واوهام
واجب علينا ناصله في محله
غير العدل والدين بالدار مادام
وحماية الاسلام دقه وجله
نصرٍمن اللي شرع حدود واحكام
ربٍ جميع الخلق تسجد رضا له
في ظل من هو يسهر الليل مانام
فهد الملوك وشعبنا عزوة له