مابه جديد - عبدالله الرشود
ما به جديد وكل ما قيل ينعاد
نفس الكلام الي نقوله نعيده
وقت اللقا الي بيننا فيه ميعاد
همسة مشاعرنا علينا عنيدة
ما به أمل نبحر مع الشوق لي زاد
ونحكي حروف في هوانا جديدة
يردنا يوم اللقا ألف رداد
أشواقنا وقت التلاقي بعيدة
ليت الحكي في موقف الحب ينقاد
ونقول كل الي نبيه ونريده
ونترجم الي في حشى الجوف وقاد
ونأخذ ونعطي بالمعاني الفريدة
وندفن هموم اليأس في نشط الاسهاد
ونرحل على مركب حياة سعيدة
مير التمني صعب والحب يزداد
في قلوبنا واللي نقوله نعيده