أنشودة نجاح - عبدالله الظفيري
ياعظيمه
ياعظيمه
ياعظيمه معذره..
لو خذت من وقتك دقايق
بي فضول يسألك:
من وين لك هذي العزيمه؟؟؟
لو سمحتي طالعيني
علميني
علمينا
كيف تتبدل مفاهيم الهزيمه؟
وكيف انتي؟
رغم ضعف الحال
ولهفة حاجتك ..
ماشوف لنتي ! !
آسف أشغلتك .. ولكن
ليه أشوفك تجلسين؟
وتسرقين الوقت غفله !
ما أشوفك تلعبين !
وإلا يعني..
منتي طفله؟
تصدقين؟
يوم كنا صغار كبرك
حفظونا في المناهج:
"الكتاب أفضل جليس"
إي حفظناها ولكن..
ننتظر يوم الخميس !
وانتي....
انتي/ انشودة نجاح
لازم أطفال المدارس
يعرفوها
يحفظوها
أو يغنوها ب طابور الصباح
لاتلوميني أمانه
لو تشوفيني أثرثر..
لأْنك أجمل من لمحته ب المكان
ولأْنك انتي نادره في ه الزمان
وأذكر انه
من زمااااان
كان أهلنا يضربون أمثال ب أمثالك كثير
ومنهو اللي ينفع أهله؟
هذا ما مثله أمير !
ياعظيمه
عارف أزعجتك .. وعارف
إن وقتك من ذهب..
وانا فاضي !
شاعر يدوّر سبب ..
طالعيني
سامحيني واغفري
لاتظنيها لقافه..
صدقيني ب اشتري..
ب اشتري من عندك شوية تفاؤل؟
لو تبيعينه لنا ..
لو تبيعنه لنا ..
قبل مايحبط أمانينا تساؤل:
وش مصير عيالنا ؟!