قلب ضايع ! - عبدالله الظفيري
سمّ بالرحمن.. وصلي ع(النبي)
ياالقليب اللي لعب فيك الغرام
داخ راسي يالهواوي وش تبي؟؟
البشر نامت وعادك ماتنام !
لو بداية حب.. اسمع مطلبي
لاتعذبني... ولاتقْرب حرام
بعدها رح والقصايد مركبي
لاتخاف بحور وأمواج الملام
خذ علي لامن سهرت بمكتبي
لك أطيّرلك من أسرابي حمام
ويالعنود اللي سبت قلبي سبي
خافي الله طالبك كفّي السهام
لك عيون ضيّعت لي مذهبي
دوّريني يوم ترخين اللثام
أسألك بالله يابنت اقربي
هذا قلبي وعامليه بإحترام
بس..لامنّك نويتي تلعبي
اعتقيه لوجه ربي.. ياحرام
والله إن القلب ضايع والغبي
به جروح تكْفي لعشرين عام
هذا تفكيره مثل عقل الصبي
وإلا أنا ويني ووينك يالهيام
وياقليبي وإن عرضْ لك أجنبي
احتمل كل مايجي لك من كلام
لي متى دايم يشيلك منكبي
وأرْفَعَك كل ماتضايق من زحام
ولو عروقي تشتكي كثر اتعبي
والأصابع وجّهت لي الإتهام
لاتغط راسك وراي وتختبي
لاتجازيني مثل فعل النعام !
واجه أفعالك ولو مرّه أبي
ماتخليني لصيحات الملام
وإلا تدري ! لو غدرت وخنت بي؟
لايهمك / كل شي فيني تمام
الغدر كنه سواة اليعربي
به حميه مع علاقاتي دوام ؟؟
يعني لو ضاقت على زود اتعبي
وتنتظر ردة فعل مني وكلام
هيّا صييييحه في ضلوعي تختبي
ولا أقول إلا.. على الدنيا السلام !