فديتك - عبدالله ذويبان
ياما نهار أمس القريٌب بكيتك
ياما ذبحت من الوله في تحريك
باعتني الدنيا و جيت و شريتك
و اليوم يمكن ما أحبك و لا أبيك
أضما غرام و لا لقيتك رويتك
سبحان ربً في ضلوعي معليك
ياما و ياما من حناني عطيتك
أزعل عليك شوي و أرجع و أراضيك
و أطاولك مابين (علك) و(ليتك)
و اليا مرضت أقول فيني و لا فيك
من كثر ما أحبك أحب اهل بيتك
حتى الحديقه و الغرف و الشبابيك
و أحب ديكورك و فرشة موكيتك
و كل المرايا و التحف و السراميك
و كل الدروب اللي خذتني و جيتك
و كل الأمور اللي ف(بيتك) تسليك
شالك و مكياجك و حتى (جكيتك)
و حتى حلقك اللي تحطه ف(أذانيك)
خواطرك! شعرك! فنون أتكيتك
صح الله لسانك و تسلم أياديك
رسمت لي موتي و مت و رثيتك
و أبعدتني عن بند ربعك و أهاليك
وجلست ادور فالضلوع و لقيتك
ذكرى مثل ذكرى عصورالمماليك
و لو كنت جرحي يا مماتي بريتك
مير البلا و الجرح في فقد غاليك
يا حزن تكفى لا تطول (فديتك)
لا يجتمع ليل الغرام و لياليك
ياما بديتك و أنتهيت وبكيتك
و الحين ابصبر و ابكي الحزن و ابكيك