الدور العاشر - عبدالمجيد الزهراني
احنا ناس الدور الأرضي :
فينا الطيب
فينا الحافي
فينا الداشر
ياسكان الدور العاشر
لكن والله نحسّ ونفهم
نأكل
ونجوع , ونتكلم
يعني بالضبط احنا ناس
فينا همّ
وفينا احساس
صدق احنا مانسوا شيّ
ونلخبط ترتيب الشارع
ونشوّه ترتيب الحيّ
لكن :
لكن احنا الأقرب
للأكثر حزن
وللأغرب
للأقرب حزن , وللأبعد
نحيا من غير التكييف
ومانعرف للأزرار المصعد
مانعرف وشهو الدولار
ماندري وش معنى :
فرنّك
احنا نعرف باب الله
لكن نجهل باب البنك !