روتين واحد - عيضة السفياني
روتين واحد تعبت اخرج منه وادخل في روتين
زود على الصمت الأول صمت ثاني في الحنايا
حاولت أكن أي شي ممكن يكن يا صاحبي(لين..
حاولت أكن ماش) في كل الأماكن والزوايا
حتى أنا غير أنا اللي كنت مثل من أول الحين
أول نقل صح وأما الحين في الواقع خطايا
بالعين حركت الأشياء لين طاح أشياء من العين
أكثر من اللي بقت وأهديتها غيري هدايا
تعبت من وحدتي حتى خرجت فحالة اثنين
بعضي يسولف عن الواقع لبعضي في المرايا
واحد يقل واقعي صورة ملطخ وجهها طين
عنها أنحسر كل تفكير المفكر في الصبايا
وواحد يقل صورة أحلامي بنفسج من رياحين
تمطر على الأرض وتخلي خطاياها مزايا
"من وين" أجي للشعر جاني الشعر من كل "من وين"
إما في شكل المدن ولا يجي شكل القرايا
يعطيني أحيان حكمة شيخ في عقول المجانيين
تحيا برايا مثل ما تختصم منها برايا
للناس وجهين ولا كل هذي الناس وجهين
من كل واحد يخون كل واحد في النوايا
حتى العناوين ما هي مثل ما كانت عناوين
تخفي لنا عكس ما تبدي وتوحي من سجايا
أمشي بلا درب واستخلف ورايه درب رجلين
يبقى لكل الخطاء فيها لخطواتي بقايا
إنما يكونك شعرك لا تجي في الشعر تكوين
حتى تمكن تكون لسان لأفواه المنايا
يكفي تعبت أسئل أصحابي ولا ألقى غير حلين
يا ناس بين( الخطاء والصح) تشريع القضايا
صرت أبصر أشياء جديدة بعد طاح أشياء من العين
منها تعلمت كيف أقراء الزوايا من زوايا