رجل مشنوق - فالح الدهمان الظفيري
نصيحتى ان كان تبغا نصيحه
احذر تخش السوق فى كل مالك
اما رجل مشنوق وا لا ذبيحه
تصير متعلّق ويذهب حلالك
باكر تعض شفاك وتصيح صيحه
هالك ومنهو يدخل النارهالك
ابعد عن المترديه والنطيحه
يطيب فالك طيّب الله فالك
خلك مع اهل العقول المريحه
ولا تسابق راكبين الكدالك
قومن يشدون الصليب لمسيحه
ولا يراعون الذمم والمسالك
للمال تشريعن وفتوى فصيحه
عند اليهود وشوف منهو فتالك
لعبة قمار ابليسها يستبيحه
يعطيك من ذنبه وياخذ ريالك
يلعب بفكرك بين قومه وطيحه
شالك وحطّك ثم حطّك وشالك
الين ماتمسى بحاله كسيحه
خسران أموالك وترثى لحالك
احفظ حلالك احفظه ذى نصيحه
احفظ حلالك لا تضيّع حلالك