نشميه - فلاح القرقاح
ياكثر ما غيب عنها وانشغل عنها
واخطي عليها خطايا مالها تالي
وان عاتبت رحت كني ما علي منها
وقفلت عن صوتها سمعي وجوالي
انظر لها نظرة اللي ما يواطنها
ما كنها اول طموحي واخر امالي
وان قلت ابثقل عليها لين اجننها
ضميت عليها عيوني وانشغل بالي
ادور لوسعة الخاطر واعينها
بين زملاي وجماهيري ومالي
بعض اللحون الله يسامح ملحنها
تاثر على جوي وتثر على حالي
لتلها ابوشنب والفين ثمنها
والخاتمة قالوا الغالي هو الغالي
تظهر علي ذكرياتي من مخازنها
واصير فالحفل كني فالخلا الخالي
اذكر يوم اخفى عبايرها تحنحنها
وقالت وانامل يديها تازن عقالي
فمان من يعتق الانفس ويسجنها
وقامت تبسم ودمع العين همالي
وتلفتت فالجدار اللي موازنها
مثل اللي يقول لاتتركني لحالي
في وقتها الديرة اللي جيت زابنها
لاوهني المريح الداله السالي
اقوم أياسر مبانيها وايامنها
لين يتبين طريقي ويتهيالي
والله ما يصدح بأذان الفجر مذنها
الا وانا قد قطعت اميال واميالي
اسابق اللي عطت مافي مكاينها
خص اللي سواقها راسه ماهو خالي
ما ينهبل ويتحدى الا مطينها
وانا لاشفت التحدي جاني هبالي
اظهر حفيل اطلق الجيات واحسنها
والنفس ميعادها في دبرة الوالي
انا حياتي شهر ماني بضامنها
والثانيه تنقص المجموع الاجمالي
ولاقام بين المواتر يامر وينهى
عقيد قوم على العيال عيابي
جاه النذر من حفيف حربته كنها
مامورة تقصر اجل معرب الخالي
ولد النظر فيه ابوه وقال مكنها
القوم ناصيننا رجلي وخيالي
قال ابشر ان البكار اللي نحينها
من الاذن للاذن في وجهي وفسبالي
ياموتري والله انها ما يطمنها
الاتقاسيم وجهي في الضحى العالي
فاخلاقها في وفاها في تدينها
نموذج حي تضرب فيه الامثالي
وفي بري وخدمتي والله العظيم انها
انفع من اصغر بناتي واكبر عيالي
والله لو اذكر لخلق الله محاسنها
واشرح ماسوت من الخير اول وتالي
ان ابطي شري دواها والا كفنها
نشمية تجعل الرجال رجالي