العيد من دونه - فهد السيل
العيد من دونه ما كنّه بعيد
العيد والله ياحمد نظرة عيونه
هذاك اهو عيدي وفرح المواعيد
وافراحي ما تكمل ولا ايامي من دونه
اللي وفالي وزاح همَّ التناهيد
معذور في حبه ولا صرت مجنونه
مو بس احبه واعشقه سيد الغيد
أحب حتى النوم لا غطه اجفونه
مجنون في حبه وانا احساسي آكيد
ومن حب مثلي يا حمد لا تلومونه
حمد فديتك لا تِنَشِّد عن العيد
العيد والله ياحمد نظرة عيونه