شي خرافي - فهد السيل
شي خرافي اللي أشوفه ما أصدق مستحيل
قولوا هالصوره تراها من فكر وحي الخيال
لا تقولواْ اْنْهَا حقيقه وللأسف هذا الدليل
وانَّ كل شيْ واقعيْ قِدامِ عينك لا جِدال
أدمت الصوره خفوقي واصبح الخافق عليل
واعمت ادموعي عيوني وانتثر دمعي وسال
والسبب صورة طفل ياخذْ من الأرض ويشيل
لِقمة(ن) قطوها ناس(ن) ما هقوا انها تشال
وش تسوي قطعت الخبزه في هالجسم النحيل
وش تسد من جوعَهْ بفهم قولوا يا اعيال الحلال
من هو فينا وبصراحه يرضه يكون البديل
ودي ادري ودي اسمع جاوبوا لي هالسؤال
قبل لا اشقق ثيابي ويشمت بحالي البخيل
لان هالصوره تِبَكي أي واحد له عيال
هذي الصوره إهانه والا انا اتوهم واخِيْل
يا عرب شاللي حصل فينا وخل الحال حال
شي خرافي ما رأيته وبصراحه مستحيل
واحدٍ يقرصني منكم ودي اصحا من الخيال
لا تقولواْ اْنْهَا حقيقه وللأسف هذا الدليل
وانَّ كل شيْ واقعي قِدامِ عينك لا جِدال