من جرحك تعلمت - فهد السيل
قلتي أحبك وانا من طيبي صدّقت
ضيعني قلبي سبب كل الاحزان
لكن لعلمك ولا مره تألّمت
إنتِ كما غلطه تجي بصفحة انسان
يا كذبة سنيني ويا حلمٍ تهدّمت
شف لك أحد غيري تجازيه نكران
أنا تغيّرت ومن جرحك تعلّمت
حرّمت اجامل والله لحساب خوان
جازفت انا بعمري لجل خاطرك إنت
وكان العطش يقتل ولا قلت عطشان
واهديتك احساسي وياعمري سلّمت
لجل ارسم البسمه على وجه فتان
ما قلت انا كل هذا قصدي تندّمت
اللي يسوي الخير ما ينطر احسان
يا ليلة البارح ترى ما تحطّمت
يوم انّي شفته يضحك لغيري فرحان
للي رخص فيني قولي له تغيّرت
السيل ما عاد له مغرم وولهان
عزّيت نفسي وعَن مثله تشيّمت
والله ما ارجعله ولو كنت خسران