احكموا بالحق - فهد السيل
تعالوا واحكموا بالحق وشوفوا منهو الغلطان
أنا واقف على بيره وهو يبخل علي بماه
تعالوا واحسبوها صح وانا راضي ولو خسران
يصير ابقى مع واحد يخليني أقول الآه
ما كان ابداً كذا طبعه ولا مثله أبد إنسان
ولا يعرف يرد اللي سكن في قلبه وأغلاه
ولكن مدري شاللي صار رماني فجأه للأحزان
ولا فكر بي يا عالم ولا فكر بقلبي شجاه
فرشت الحب فدروبه ورسمت من الوفا عنوان
عطيته حب من قلبي ولكن ما نفع وياه
ولا أعطيت أي شخص فرصه يهينه مهما كان
لأن الحب أبحر بي ونزلني على مرساه
وآخرها وبعد كل ذا يجيني يطلب النسيان
يقول انسى حبيبي شصار ويطلب أبقى في دنياه
تعالوا واحكموا بالحق وقولوا منهو الغلطان
يصير ابقى مع واحد يخليني أقول الآه