انت من جدّك ؟! - فهد السيل
إنتِ من جدّك تحطي راسك براسي أنا
آجل انتِ ما عرفتي من معه تتكلمين
إنشدي عنّي القصايد والحروف اللي هنا
منهو شخصي يا الغشيمه من بعدها تعرفين
إنّي ( السيل ) اللي ما وقّف في وجهَهْ من سنَهْ
أي شاعر حتى لو كان الشعر عنده سمين
مو غرور اللي تشوفينه ترى هذا غِنا
لكن اللي مثلك انتِ صعبه تقرى كل ذهين
ولوتكوني لي حياتي وفرحتي وكل الهنا
ما تجي مثلك وتضحك وبجنابي تستهين
لا تقولين الغرور اضحى مثل برق وسنا
بس انا واثق بنفسي والدليل اني فطين
الغرور ادري نهاية كل شاعر قال انا
إلا انا كل ما أقول انا في شعري تستزين
والله حاله ما بقى الا انتِ توريني العنا
وتيجي وحده مثلك انتِ تنقد ابياتي وتهين
أقدر انسفكِ في ثواني وامحي اسمك لو دنا
وبقصيده وحده منّي يا غبيه تنتهين