صبح المشاعر - فهد السيل
الشمس وان غابت ترى نورها حَي
ما غاب عن صبح المشاعر وهجها
اللي ملكت هالقلب يفداها كل شَي
ما دام ينبض فيني قلبٍ عشقها
ما تشوف انا عيني هنادي ولا فَي
ما تشوف ابد غير اللي صارت هدفها
طويت انا هالماضي من شفتها طَي
وطويت حتى حاضر اللي بعدها
لو اطلبتني كلي كلي لها شوَي
وشلون اوفّي من برتني بهدبها
تميزت عن بد خلق الله بشَي
غير الحور في العين وبسمت ثغرها
تميزت بالصدق مزيونة الحَي
هذي هي الميزه اللي فاقت خجلها
أحبها أكثر وأكثر من المَي
واكثر بعد من حب أم لولدها