أحلا قصيد - فهد السيل
إنتي صرتي في حياتي أغلا من كل البشر
ما أبالغ صدقيني يا حياتي ولا أزيد
اطلبي كل ما تبينه تامرين انتي أمر
كيف اببخل يا مشاعر تجري في دمي قصيد
لو أبوصف في جمالك من هنا لآخر شهر
والله اني ما وصفتك لا ولا جيت بجديد
من أفارق طيفك انتي لحظه حسيت بقهر
واشعر اني يا غناتي صرت فالدنيا وحيد
لا تغيبي عن عيوني لحظتك عندي دهر
كيف ابصبر واتحمل وانتي عن عيني بعيد
ادخلي عالم خيالي واسجنيني بالنظر
وارسمي لوحة جديده صورتي فيها سعيد
الحزن ولّى وفارق ما بقى له أي أثر
في حياتي من عرفتك والله يا الحب الأكيد
ومن عرفتك والقصايد دلت دروب السهر
والخيال اصبح حقيقه والمشاعر بي تزيد
لابغيتي فيكي أكتب قولي بس كلمة(شعر)
القوافي كلها لك تصبح فشعري عبيد
وكان ودك بالقصايد وانثر احساسي نهر
كوني بجنبي قريبه وابشري باحلا قصيد