المجهول - فهد السيل
سميتني المجهول وبحبر الاقلام
عسفت قافك مثل عسف الأصيله
يا صاحب البيتين بعزف لك انغام
من خافق ٍ مكسور مهدود حيله
من خافق ٍ حبه يسافر بك اعوام
ويسقيك عذب الود بنّه و هيله
مشكور لاحساسك ومشكورهْ الايام
والله يقدرني وارد الجميله
جددت امل فيني غدا مثل الاحلام
في قلب مهجورٍ سنينه طويله
والله ان حبي كان من قبلك اوهام
واليوم شفت الحب وانتي دليله
ما ني بشاعر ينتج اشواقه افلام
لكنّه احساسي وهذا قليله