هيبة أسرار - فهد المهوّس
وأحسّ !بشي يتنهّد مابين ضلوعي ويبكي
يرددّ : ليه ياكل الوجود إتقفّل أبوابي !
أمانه وش بعد باقي ؟ سوالف خلّها تحكي
عن إحساس الغياب اللي ظهر ف قصة عتابي !
ياديم !من السما يمطر قَهر والأرض ماتشكي
ياروح إتثاقلت بأرض الحنين بداخل ( ثيابي )
وش اللي صار بغياب العذاب البارح بضحكي ؟
من اللي جاب للبارح غزير الدمع ل ( أحبابي ) ؟
من أكثر؟من بكاني والحنين الداعي ل رَبكيِ
من اللي قام ، ثم ضمّ الصوّر وإشتاق لترابي ؟
أمانه وش يقول الليل مادامي هِنا مرّكي ؟
هو إحساس الفقير اللي دعاني ، ثم تِسلاَبي ؟
أمانه !وش كثر ماللجسد بالعافية ب الكَيّ
يالليل من الدمووع إشتاقلي ، ثم قبّل ( اسرابي )
وش أكثر عطر يبقيني نفس ، يزفرني بالمحكي ؟
وأمي وش تقول اليا لقت هالدمع في بابي ؟
يابسمة !من طواه الموت ، عانق غيمي ب ضحكي
تذكّر هيبة أسرار المطر في خطوة غيابي
تذكّر من مشى بالأرض والعالم معه تحكي !
تذكّر بسمة الطفل اليتيم ، إن عانق ترابي