مدهال - فهيد العديم
انا ياحمود شفني صرت لاحزان الدهر مدهال
تلاعب فيني الدنيا واقول الصبر ينجينا
قطعت البيد وفجوج الديار ولا حصل منزال
وانا مدري البحر يكذب!!!او انه غلطت المينا
انا (ياخوك) مليت الوجيه وكثرة الترحال
ابي لي موقعٍ بين العقول اللي تساوينا
توشحت ابياضٍ (كاسبه )من طيب عم/ وخال
واثاري مكسبي في هالزمن ( عيبٍ) يخوينا
يقولون البدو ماكل برقٍ يتبعه همال
وانا قول البروق اخير من لفحٍ ينادينا
تعبنا من زمن مصدر (هروجه) من يقول وقال!!!
وبعده؟ تصدر الاحكام لو هي ضد اسامينا!!!
زمانن-يستر الله- صار فيه الثعلب/ الخيّال
وراع العزم خانته الضروف وقال ملينا
وناوالله لولا قولة (المقرود) جاه هبال
لاعري كل فكرٍ ضحل لين يقول كفّينا
ولكن دايم ان كبرتيجيها يومٍ وتنزال
وعقبه عاد نعرف وين( دربك) يامواطينا
ومن شبّه هماليل السحاب (بماك يالشلال)
يخلف الله -تعلّي عنه مرّه ياقوافينا
انا عييت عن( فضله) ولوهي من كريم سبال
اذا ماهي من اليمنى أجل وش نفع ايادينا
وانا والله ولد ناسٍ ليل من صار (ميل عقال)
تعرف الارض وش قيمة خطانا لا تعزوينا
انا مابي من الدنيا قصور وبهرجه واموال
ولا بيها تحقق (بالتعاطف ) بعض أمانينا
ابي بين البشر أحيا عزيزٍ واندفن رجّال
وابي ليل مرّ اسمي قيل (نعمينن بناخينا)