السلامة - فواز علي الروقي
السلامه مكسب الرجال في وقت السعه
مكسبه قبل إيتخطى في حقوق الآخرين
السلامه لا اللقافه ذي الحياه الممتعه
هي مكاسب سيد التجار قبل الكاسبين
هي سلاحه هي مقامه والخبول مضيعه
ولا خسر رجلٍ تمسك في كلام المنذرين
هي حزامه عند غيره يوم ناس مبيعه
ولا يساوى بالعمل بايع وناس مشترين
هي صفات العاقل أللي ذنب غيره ماذرعه
ولا تلى قوم الخطا واللي وراهم هالكين
هي حزامه في مقامه هي حزام لمضجعه
هي جناحه يوم غيره في الزحام معزلين
هي مضامين العمل واللي يضده طقعه
ولا نخا قوم لهاذي يعرفون المدبرين
هي وجود العاقل اللي ماهوى للطربعه
ولا رضى باهل الضعافه في ضلوعه ساكنين
هي عشيقه عاقلٍ الشين يكره مربعه
ويكره اللي لمثل ذلك كارهين وقاتلين
السلامه من هواها ماتخيب مطمعه
دايمٍ هاو السلامه في همام الاولين
هي مرابيع الامان اللي علاك مربعه
وفي حشاها هايمٍ وفي كل عامٍ بك تزين
الهنا داخل حشاها كالفروع مبرقعه
تذبح الكايد ويفنى ماوصل للركبتين
دايمٍ باجمل صفتها ماتجيك مرقعه
ولا ذكروها بالملام اللي بها مستبشرين
المروه من قيمها بالعقل لامسكعه
وتنحني للي هواها ولا هوت للمنتحين
السلامه ماتخاف ولا تجي متروعه
لين مبداها سليم وترفع اللي مهتوين
ولو نضمنا طرقها النبع واصل منبعه
وأستمرانا الكتابه بين حين وبين حين
لاكن الموجز كفايه العوارف تزرعه
لين تلحق جمته وألا تقول مقصرين