قطع الرجاء - فواز علي الروقي
لن كان ناوي تطوي القرب بالصد
قلي وش العلة وريش القضيه
مذكر عليك أخطيت يالين القد
ولايوم حطيتك بدرب المنيه
أنا عليك أحتاط للجزر والمد
وأيضاً من النسمه وعن الشمس فيه
أهواك وأحبك وهذا منطق الجد
وعمري بدونك عايشٍ للأسيه
أمشي ولاغيرك على البال يرتد
دايم ملازمني بروحه وجيه
وغلاك في جوفي بدايه بلاء حد
وغلاء الوفاء ماهو بمثل الحضيه
واليوم جاي وداخلك للجفا رد
من دون لاتنسب عليّ الخطيه
شكلك لقيت اللي معك ناصف السد
وشارك لك الأشواق في كل هيه
روح وأنا كسبان من يمك البعد
ولاني بلك باكي ولاني ضحيه
قطع الرجاء أخير من كذبه الغد
اللي بها المغشوش فوق اللضيه
وأنا طويت إرشاي من كامل العد
ولالي معك ممشى ولابي حميه
والرجل ماينزل عن العز والمجد
ودرب المذله للنفوس الرديه
روحي عساها خيرتٍ يأبيض الخد
وأنا ترى بروح وأنسى القضيه