مليك عرشه - فواز علي الروقي
كثر الحكي سواء عَلّي إنتفاضه
فالشعر والاحداث حتى فالاسلام
دمار شامل في خطابه حضاضه
يضيع المسلم ويحكم بالإعدام
شيطان شاطر عاجلٍ بإنتهاضه
يفرق جموع الناس والضيم قدام
ليا أقبل علاك تقول مزين بياضه
وليا بخصته داب فصيله السام
يسعى ورى التخريب لاعب رياضه
ومن النشاط تقول لاعب للاجسام
حكيٍ بهرنا مشيته وإعتراضه
تمشي به جنوده على كيف مارام
تذهل ليا شفته ملاء كل فاضه
وترعب ليا شفته على الخلق قوام
مليك عرشه صعب عنه إنقضاضه
واللي ملك له حط له سرج ولجام
هاذيك جنده واقفه وذي رباضه
جندٍ ربها بالهواء وغيرها إرغام
اللي رباها بالهواء هم غلاضه
واللي رباها غصب من ترج الاكمام
وقول الرذيله للمنافق فضاضه
يصنع بها مشكل ويرفع لها إعسام
وهاذيك مجتمعه وهاذي نقاضه
ناسٍ فرقها وناس ماتحت الاقدام
ياطا علاهم عجل وأيضاً براضه
ولحدٍ وقف ضده بربعه والأرحام
وقول الخطا خيم علانا بقاضه
وأيبس حلوق إقرومنا قبل تنظام
قول الخطا اشوف طالت عراضه
اليا متى والناس ماتسوم تنسام
واللي نباه يذود يشرب حياضه
ومن عداد إجنودهم حط ضرغام
ياناس اضعف اسلحتنا اتعاضه
والكلمه اللي ماتبى حلف وإقسام
تلقى على شين العمل لاإعتراضه
وليا عصى يرفد لايفتك بالاعلام