بساتين العتب - فوزي المطرفي
على طاري الثقل وانفاسك اللي شامخة بالحيل
على طاري " بعادك مايهز فخاطري حاجه "
مسى ليلة خميس ٍ والذنوب تناجي التهليل
على وقت رماني في بحر طيشي وفمواجه
على وقت ٍ قراني واشهد انه جود الترتيل
الين اني تأملت الخشوع يغازل حجاجه ..!!
لفاني من بساتين العتب ورد ٍ على الإميل
وأيقونة ظهر فيها الخجل والشوق واحراجه
تقول اول مواري غلطتي بين الحنايا ليل
تغشاني كأنه ماهو مصدق لقى حاجه ..!!
الا يسعد مسى هاك الثقل يوم اشعل القنديل
وخلى الشعر يسّاقط درر من عالي ابراجه
صراحه والصراحه بعد وردك ترفض التأجيل
لو حضورك تأخر ثانية حررت ديباجه
عوافي ياهذيك النرجسية في طلوع سهيل
عوافي والملك ماباقي الاّ يحتضن تاجه