مقامات الغنا - فوزي المطرفي
كمّل الجرح المبجل عام وينك يالحبيب
جبت لي شمعه تعال وعيد ميلادك هنا
اكتسى شباك ذكرانا بلون اسود كئيب
والعناكب باركت بخيوطها شباكنا
وينها ذيك الليالي يوم كنت اقرب قريب
وم تتغلى بجياتك واقول الله لنا
تضحك ويضحك معاك الورد والكون الرحيب
والمطر يستأذن شفاتك ويمطر حولنا
مابقا منها سوى علّه تعب فيها طبيب
اسرفت بي لين شيد بيته الحزن وبنا
ولا ذبحني غير قول الناس لي قسمه ونصيب
آآه ياقسمة عذاب وآآآآه يانصيب العنا
راح احاول لين اخلي الشيب من فعلي يشيب
وانت تعرفني ولا يحتاج اقولك من انا
لي طموح بسبة اشراقه نسو كلمة مغيب
اعتلى فوق النجوم وتحت عرش الله انحنا
ولي يمين اليا ازهمت حبر القلم جاني مجيب
والشعر من روض بستاني وكلماتي جنا
صاحبك داخل جنونه علم يخشاه اللبيب
حاصره فقره ونال من الحصار اكبر غنا
اكتسبت المعرفه غصب ٍ عن الوقت المريب
واستطعت افرض لحن الغى مقامات الغنا
نوب اجيك بصوت من زينه تعاف العندليب
ونوب اجيك بميجنا ياميجنا ياميجنا