نغمة حزن - فيصل العبدالله
الفرح في قلبها ماله وطن
تاهت الخطوات والحظ انعثر
تكتم العبرات مابين الجفن
خايفه والدمع هل وما انتظر
صابره ترجي الامل يمكن يحن
والحزن بعيونها كله ظهر
الحياة بعينها صارت سجن
كل ماتبني .. يحطمه القدر
الغرام بصدرها وده يون
ويوم ماقدر فضحها وانتثر
الأمل في قلبها أصبح طعن
ماتت الاشواق والحب انتحر
تصرخ وبجراحها نغمة حزن
وقلبها ترجم ( وفا ) كلمة غدر
ياحزينة لك انا بقلبي وطن
وفي عيوني ياحياتي لك مقر