ليالي الشوق - فيصل العبدالله
على طاري ليالي الشوق .. ودمعه حدرت م الموق
ذكرت انك هوى عمرٍ .. يودك يومك اغليته
نثرتي ومانثرتي الا .. مشاعر غربلت مخلوق
وابنثر شي ماشفته .. !بقلبي بس حسيته
طربت وماطربت الا .. لحرفٍ احتوى كل الذوق
عزيز الحرف لامنه .. تربع في وسط بيته
تروعني دورب البين .. وسكه كلها ابوها بروق
ويسكن خافقي حزنٍ .. اذا في يوم أطريته
مشاعر مالها صاحب ..!! وقلبٍ دايمٍ مسروق
وكلن هايم بخله ... وأنا بقربه .. ولا اوفيته
دخيل الدمعتين اللي .. شكت منها جروح الموق
ترفق و ارحمه حالك .. اعرف اشكثر اغليته
دخيلك كفكف الدمعه .. غدى منها الحشا محروق
معاناته البشر ماهي .. دموع .. وسيلك اجريته !!
غريبه !! حالة الاصحاب .. ذا سابق وذا مسبوق
ألملم بينهم عمري .. بقايا انسان انا اشقيته
سنين طوال عشناها .. منو العاشق من المعشوق ؟
يململني بهواك العمر ... والى من طاح شليته
رغم ماضي ليالينا ... واسمك و الهوى و الشوق
أحس اني معك فعلا .. غريب الحب في بيته