سنة مرت - فيصل العبدالله
سنه مرت ولا مرسال
ولابه من يطمني
عن أخبارك
وأنا أتسائل وكلي سؤال !
ياعمر .. شلون ذي مرت..؟!
سنه .. معقوله !! ..
ومرت..!!؟
بلا مرسال.!!
سنه مرت..
وأنا اتأمل ..
أراقب طلتك تظهر
وتتبختر
علي أكثر
بعد وأكثر
أوصي قلبي يتحمل
وإلى ياسه طفح با الكيل
تمنيتك وسط مرسال
تصفي جوي الأغبر
بنسمة طيفك الأعبر
وتتمخطر
على
أكثر
بعد وأكثر
وأنته
مو
على
بالك
تلملم جرحي الأخطر
قبل مايكبر
ويكبر
وأرد أحسب
ليالي المُر
والاقيها
سنه مرت
بلا
مرسال
سنه مرت
وكلي حملي يهد جبال
وصبري ..آآه من صبري
يعزف للشقى موال
وانته
مو
على
بالك
ولا همك عنا وغربال
وأرد أحسب
زمن عمري
ألاقي الرد
سنه مرت
ولا
مرسال
سنه مرت ..
وكل مافيني ينادي
أنا الشادي
أنا البادي
أنا للي قلت لك أشتقت
إذا ..أشتقت
وإذا .. ما أشتقت
وترى عادي
أنا ..أشتقت
وربي..أشتقت
لزعلك للرضى عادي
أنا ..أشتقت
ترى..أشتقت
ينادي قلبي الشادي
بعادك اتعب بعادي
سنه مرت
وأنا بوادي
بليا خط
أو مرسال
سنه مرت...
وحنا أغراب
طفت فيها شموع الضي
مساحه خاليه م // الفّي
ونهرً مابه نقطة مي
على ِضفافه
شخص يرُزق
بليا فّي
بليا مي
بليا ضي
بليا شي
لكن حي !!
متعشم لُقى الأحباب
سنه مرت...
ولظروف الزمن صدت
سنه مرت وأنا باهمال
سنه من عمرنا عدت
ولا
هدت
سنه ماظنها كفت ..!؟
سنه مرت... بلا مرسال
سنه من عمرنا عدت !!
!
سنه مرت
!
سنه مرت...
وأنا ع // العهد
وأنته زايدً بالصد
ثلاث ..
ويمها سته
وخمسه شاهده ع // البعد
سنه مرت...
بليا
وعد
أو
مرسال !