تشوم النفس - فيصل العبدالله
تشوم النفس عن طبع الرذايل
وتتنفض عروقي لك مهابه
تعودنا على طيب الفعايل
على نهجٍ ومنهاج الصحابه
علينا من الكرم .. فعل الحمايل
أجاويد الجنوب .. بلا غرابه
لنا صولات.. وجولات ..وعمايل
وشيٍ بان .. وشيٍ صك بابه
لنا عادات .. ونشوم الرذايل
تشوم النفس .. والكل يْتشابه
لنا فعلً .. ولا .. فعل القبايل
نضحي بالفتى .. بأول شبابه
تروح الروح والشريان سايل
ولا ترضى بعيشتها صبابه
ولاعشنا ..على حِيل و محايل
وبين السيف و الشعره قرابه
جبال العز .. من نسل الأصايل
شموخك حيل .. خلاكِ مُهابه
وماكل اللي تبي .. تلقاه نايل
ومالي فالزعل وما ابغى اقترابه
حرام الورد متذاوي و مايل
جميل الورد .. ما ينبت بغابه
قصيدً ضاع .. وطارينا المخايل
قصيدً مات .. والطهر بترابه
لبسنا قناع .. في عز القوايل
وعن قولة : سلينا و ما نهابه
تتوق النفس .. والخفاق شايل
وتتبعثر .. حروفي. لك مهابه