ليش راجع ! - فيصل العبدالله
ليش راجع ؟؟
ممكن اعرف ليش راجع ؟؟
بعد ماخنت الظنون
واستبحت الجرح
ونثرت المواجع .. والطعون
ليش راجع ؟؟
بعدها جروحك طريه ..
مامداها تندمل
مانست كبر الخطيه ..
والـ أمل !!
منك جرحي صار جازع ..
ليش راجع ؟؟
تكفي قلي :
خانتك حبيبتك / او خنتها .. ؟؟
وجاي فازع ..!!
في عيونك دمعتين !!
وظلم خلاك اتراجع !!
شفت كيف الغدر واجع .؟؟
اذكر اني فـ يوم ناديت بـ : حبيبي
وكان ردك حيل قاسي
مارحمت البوح .. وزادت بي المآسي
لما صار الجرح واسع ..
جيت راجع !!
كنت مدك ..
وكنت لي جزر ٍ بصدك
وانت تدري الفرق شاسع
عند حدك ..
تكفى : أرجع
لو عسفك الوقت : أرجع
بس لها / لعيونها ..
يمديك ترجع
اما قلبي .. آآآه ياقلبي
مابقى له عين تدمع
وإلا حتى .. اذن تسمع
[ لا ]
لا ترجع