باب القصر - فيصل العبدالله
صابني غرو على ذاك الغدير
من نظر عينه فقد كل الصبر
قام يناظرني .. بعينً تستدير
والهدب فيها ينوعس بالخطر
قلت له : للحين عمرك ياصغير
قال لي : ماني صغيرٍ ع الأسر
قلت له : بغرور أنا دربي عسير
قال : أنا دربي يوديك القبر
قلت : جرب وابتعد وقتٍ قصير
قال: ذا موعد معك بعد العصر
جيت ع الموعد معي حبٍ كبير
مالقيت الأ مكانه .. والعطر
انتظرته .. لين ما راح الكثير
وانقضى بعد العصر والله شهر
راح في حاله وأنا حالي خطير
اشكي اللوعه واقدم له عذر
ما دريت أنه بيقدر ها لصغير
يسحر اللي قاسيٍ قلبه حجر
ما رجع لي مدري وينه هالغرير
يمكن أهله قفلوا باب القصر