ونة عتب - فيصل العبدالله
جات تعاتبني وتقول ماصار
وشلون احبك وانت بيه تجاير
جات تقول بقلبي الفين نار
كلي على جمر الغضى منك فاير
والله ان القلب في حبك احتار
حتى بعيوني صاير الدمع حاير
ماخنت أعيوني ولا شفت زوار
والله بعيني مآبه الا انت زاير
يامسهر اعيوني ياشمعة الدار
يامّحكل المحجر بهل العباير
تبعد واصيح ويسمع الونه الجار
ونة عتب تلهب جميع الضماير
اشغلتني يا مشغل اعقول وافكار
والقلب منهم به لهيب السعاير
هو صدق انك تلفت الكل بانظار
من غيرتي انثر عليك العباير
وين الوعود وين قطفك للازهار
وين الحنان وين لف الضفاير
قمت اجمع اشتاتي والملم افكار
أدور اعذار لها العزم خاير
مافداني كذبي ولا كثر الانكار
والله من اللي صار ذقت الحساير
عجزت الاقي بحقها عذر جبار
سالت دموعي فوق خدي نثاير
قالت ياحبي ماابي منك اعذار
ترخص لك اعيوني وكل العباير
مسموح احبك لو صار ما صار
من وين ما تقفي لك الشوق طاير
اعشق هواي وكون بالحب صّبار
واكون لك روح تفدى ( لساير )