عوَّدتني - فيصل العبدالله
عوَّدتني أسهر ليال بحراويك
وعلّمتني فن السهر والإراده
عوّدتني إن غاب صوتك أناجيك
وعلّمتني كثر الصبر والجلاده
عوّدتني أبيع هالكون واشريك
ذوّقتني كاس الهنا والسعاده
عوّدتني اضحك وقلبي يعانيك
وعلّمتني أدفن جروح النكاده
عوّدت عيني كيف ف البعد تبكيك
وعلّمت جفني كيف يعلن حداده
عوّدتني أحرق شموعي واضويك
وعلّمتني كيف احترق لك زياده
عوّدتني اسري وأنا ملتفت فيك
وأفارق وقلبي.. يناظر وداده
عوّدتني وعوّدتني كيف ما أغليك
يا عل قلبي منك يلقى مراده