مزبان الدخيل - فيصل اللويش
لك أميره جيت درهمت الذلول
ماثني عزمي عن الفزعات ليل
أبشري بعزك ولاعنه ميول
أبشري بفزعة سنافيٍ أصيل
لو سرجت من القصايد والخيول
مايبل الريق غير السلسبيل
مايجفل مهرتي قرع الطبول
ولااحب ارتاح في ظل النخيل
مايعذرب سطوة ايديني نحول
ولاتعذرب غيمةٍ سوداء (سهيل)
سقتها يوم وشهر وألفين حول
سقتها لعيون من قض الجديل
سقتها فجٍ مباطنها جفول
سقتها صيحات وذراعٍ طويل
سقتها حرٍ قطاميٍ زعول
سقتها غيومٍ تطارق وألف سيل
سقتها هايس وصيحات الفلول
سقتها عبكل وأبنك ياهذيل
سقتها لويشات ضارين الفعول
سقتها فيصل لويشيٍ (زميل)
غصب أميره وشاعره وبنت الاصول
شمريه وبنت عمٍ ماتميل
شاعره غصبٍ عن اللي مايقول
شاعره والحرف عبدٍ له ذليل
للقصايد ألف وجه وألف زول
وفيصل أبن لويش مزبان الدخيل