طفشان مرة - قهر يزيد
طفشان مرة .. ولمّ الشعر حفلاته
واستقصر الليل وارخى ستارته بدري
تطفي شموعي هموم ٍ تجرح آهاته
يقلق ظلامه لهيب الشق في صدري
ينثر عليها جنوني ملح دمعته
وتذب منها ضلوع ٍ تحتبس صبري
مدري حطامي يتحمل ضيق عبراته
ولاّ حطامه يزيح القهْر عن قهْري
يا شيين موت الأمل يا شين سكراته
يا شيين شوف الأماني دمّها يجري
يالغايب اللي بقلبي نبض خطواته
افدي رجوعك بعمري يا بعد عمري
قلبي بدونك يتيم ٍ فقد ٍ ذاته
ضق الفضا في عيوني والتحف قبري
أواه ياللي تساوي العمْر لحظاته
أوه ليتك تحس الحال أو تدري