تتبّـعني البلاوي - ماجد الزيد

تتبَّعنـي الـبـلاوي كالظـلالـي
ولكـنـي صـبـور(ن)لا ابـالـي

وغيري يجزع مـن ادنـاة حاجـة
وأنـا بالصبـر يامطـول حبالـي

كليـت الحنظـل العلقـم شربـتـه
بسنين(ن)تـرَّث العقـل الهبـالـي

تصبَّحنـي البـلاوي ليـن تمسـي
وانا امسي داله(ن) ويـا الجزالـي

تركت الشعـر مالـي فيـه حاجـة
ويلحقنـي يبـي بلـوغ العـلالـي

واشوم عن الهزايل فـي قصيـدي
واجيب من الحكي خيـر المقالـي

الا ياطـول ليلـي فـي البـرايـا
تلحفـت الزمـن والوقـت بـالـي

طويل(ن)ليـل مـن طـال الثريـا
ثقيل(ن)هـمَّـه بثـقـل الجبـالـي

تعليـت النجـوم بصغـر سـنـي
واشوفي1 في سما عمسـا لحالـي

عسفت الجـدي وسهيـل اليمانـي
اغيـر بهـن كغـارات الهـلالـي

تعديـت المـدى ثـم عـدت عنَّـه
لاجل يُجهل على الواشي السؤالـي

اخاطر في حياتي..... في حياتـي
مصيـر الحـي يتـلاه الـزوالـي

اكر على المصائب فـي عصائـب
بني عمَّـي ولوهـم فـي ظلالـي

واغير علـى المنايـا مـا احسـب
تعدانـي أو ارخـت فـي مجالـي

ضربت الارض لين الارض صارت
تعرف نعول غيـري عـن نعالـي

اذا كـان الهلالـي سيـف قومـه
فنـا بربعـي خصيم(ن)للجـلالـي

عمامـي مـن مشاهيـر الخوالـد
ومن خير الخوالـد جـو خوالـي

سفيه العقـل يحسـب بـي سفاهـه
وراعي العرف يعرف مـن قبالـي

تحزمت السماء واسرجـت دهـري
وسليـت المنايـا مــن خيـالـي

اشوم عن الـردى مـادام راسـي
واجنب رجلي عـن درب الخمالـي

الا يامشغلـت عصـم الـشـوارب
الا كـرَّي فـلا مثـلـك ببـالـي

اذا تبغـيـن قـلـب تلاعبـيـنـه
فدونك مـن غشـى قبلـه خبالـي

علـيـك الله وامـانـه فارقيـنـي
فـراق الـي الامـن قـال قالـي

وسمَّي السرمـدي ماشيتـي فإنَّـه
أخو خضراء يشوم عـن الهزالـي

طويت الارض فـي كـل الزوايـا
غرب شرق(ن) جنوب(ن)مع شمالي

وايقنـت ان مـن رام الطويـلـة
فلايحيـا الا مـن عـاش سـالـي

انـام وعينـي ماترتـاح تطـرف
وقلبـي ينبـض بحـب العـوالـي

رضعت المجد حتى صرت احسـب
بأن ملـوك يعـرب مـن عيالـي

فلا راس(ن)يسـاوي مـي راسـي
ولا طيـب(ن)والا هـو حـلالـي

اذا شحت علـى النـاس الدراهـم
فأسمي ثورتـي وهـو راس مالـي

خشـم سنـار2 لاجيتـه تراعـف
يقول ارحم يبـو الجيـلان جالـي

ويامـا سجـت بكتـوف النوايـف
لما صارت تخاضع لـي الطوالـي

ولكن يكتـف جنونـي زمـان(ن)
زمـان(ن)زال زول(ن)مايـزالـي

الا يال العجايـب فـي زمـان(ن)
تفرس 3 الذيـب دنسـات الثعالـي

زمان(ن)يذبـح قـلـوب الذيـابـه
وتشـرب دم سرحـان الصخالـي

الا يالـي بـك الهقـوات تكـبـر
الا يامـن تحـت ظلـه ظـلالـي

اخوي وتاج راسـي ومسند(ن)لـي
الا قـامـت تخطفـنـي الليـالـي

فديتـك يابعـد راســي فديـتـك
الا يامزبـن قــروم الرجـالـي

توردنـي المنايـا حـيـن تـامـر
ولاجلك يحلى في عينـي اعتقالـي

تبي نغزي الـى الفسطـاس قدهـا
على طوعـك نوصلهـا المحالـي

الا من صال مثلـي بطـوع مثلـك
فهـذي اعظـم ايـات الكمـالـي

تتبعنـي الـبـلاوي كالظـلالـي
واحدرهـا كمـا المـي الـزلالـي