ملحمة الليث والمهاة | ماجد الزيد

بسـمـك اللهم يـــارب الـجـلالـي

بـارك اللّـه مـن نـظـم هالملحمـيّـة

بـارك الرحمـن مـن قـافـه مثـالـي

يحفظـه مـن شـر كـل نفـس وأذيّـة

بلغـوا الطرقـي إنْ عَـزَمْ للارتحـالـي

ياخـذ الـقـاف ويــروح العقربـيّـة

قـاف نافـذ مثـل نبلـن مـن خلالـي

يـوم قالـوا باقـي وتـرحـل شـويّـة

كان لـك قـدره علـى وصلـي تعالـي

الحقـي عمـري دنـا مـوتـي إلـيّـه

أعشقـك واعشـق مداهيـل العـوالـي

ومن عرفتك قـد نسيـت إن لـي خويّـة

اطلـع بـراس الطويـل وفـي خيالـي

صـوت عـودن يوصـي مثلـي يابنيّـة

قال للي:.... ماجـد دع الحـب الثُّمالـي

لاتضـيَّـع حـالـك بـحـب الصبـيّـة

اصعـط جنونـك دع الـحـب لاتبـالـي

قبـل لاتشـوى عـلـى نار(ن)صلـيّـه

الـرجـال وبـيـدوا حـيـل التـوالـي

ماقوتهـم بالحـيـل او هــي بهـيّـة

والبنـيّ لوهـن نـون ابـن الهـلالـي

ماتفـيـده لا شـجـاعـه لا حـمـيّـة

وقلبـك الّـي ملاعب(ن)نجـم الشمالـي

يرضخنّـه والـبـلا الطيـحـة قـويّـة

لايعـافـى ولا يـمـوت ولا يـشـالـي

وتسْمع نّياحـك مـن الجـوف الحويّـه

تحسب انْهِـنْ يرحـم(ن)دمع(ن)همالـي

البنـي يموتـن علـى دمـوع الضحيّـه

يتركـنّـه لـيـن يـشـرف للـزوالـي

ويسعفنّـه لأوشــك مــن المهلكـيّـة

ما ارحمنّه لاجل يبرى مـن اعتلالـي!!!

لاجـل مانفـسـه تحـررهـا المنـيّـه

لاشهر(ن) رمـح الغنـج ويّ ا الجمالـي

يـرم(ن) الرجـال مـن ظهـر العبـيّـه

نـاره(ن) لـو تلفـح متـون الجبـالـي

تصهـر الـصـوّان نــار اجهنّمـيّـه

الـزم المسجـد قبـل يـوم السـؤالـي

وصاحـب اللـي يعشقـون المهمهـيّـه

النهـار ان صـار دون عـن الليـالـي

وبانـت العـقـرب تبـشـر ببـرديّـه

قبّـعـوا يــم الـذريّـع والـجـلالـي

ومنّهـن يـم الرعـن عــود القـريّـه

ولا اعتلى الذابـح سعـد والجـو مالـي

تزهـر الفـيـاض وتغـنّـي صفـريّـه

وجّهوا غرب(ن)الـى صحصـاح عالـي

للحمـاد وشفّـهـم صـفـق الرمـيّـة

عـدّو اعـقـوم الحمـايـة بالعجـالـي

وقصّوا الحـرّه سـوى لوهـي امحميّـه

يرخصـون المـال والـمـال امتثـالـي

وللدراسـه والوظيـفـة كــل تحـيّـه

يقطعـون الـوادي بـالـوادي هبـالـي

جيبـهـم كـنّـه الا حــنّ ارعـديّـه

ويل عنز الرّيم ....تعـرض للرجالـي!!!

ماتضيـع الا يضـيـع العـمـر ديّــه

تزبن الجـال بمضـى صـوب العوالـي

وجيبهـم يـرقـى وراهــا بمقـدريّـه

ثمّ تُصْفـق بالطلـق والخشـف يسالـي

سـلّ سلّـه والحقـوه ابـهـا سـويّـه

يكشف الرّمي النشامـا... ثـم تعآلـي

امكنـوا هجّـوا تـرى الدولـة حـريّـه

ويمسـك الطـاره صمـيـدع مايبـالـي

يشلق القـاع ان دعـس رجـل العطيّـه

والحمايـة بـثـر جيـبـه كالظـلالـي

غيْـر بأنـه دايـس الظلـمـا سنـيّـه

عارف(ن) وجـه الحمـاد ابـن الحلالـي

عرفـه لناسـه وربعـه مــع ذويّــه

أطفا نور الجيب يتلونه؟...... محالي!!!

والحمايـة تصـفـق الـكـف بخـويّـه

شـدّ حيلـه راعـي الجيـب الكْمـالـي

ولا وقــف الّا مـافـوق العجرمـيّـه

نــزّل العـزبـه وثــم دنّ الـدلالـي

وشبّ ضوّ(ن) يجلـب الطرقـي ضويّـه

قلـت يالعـود الكبيـر اوجعـت بـالـي

لاتعـد الّـي مـضـى أنْــه أمثلـيّـة

فكّنـي مالـي سلـى عـمّـا غـدالـي

ولا لفـقـدي لاصـبـر او عائـضـيّـه

الهـوى دائـن ونـا دائــي دوائــي

داونـي بـام العيـون(ن) الشركسـيّـه

كـم فتـى ً ولّا بفـال(ن) غيـر فـالـي

كيف لوهـو عاشـق(ن) لـه عسلجيّـه

يصحـب الريـم الجفولـه والغـزالـي

ثـمِّ يرعـى بالظبـاء رعـي الشلـيّـه

يـا لفـنّـه كـثـر ولـفـه للهمـالـي

سايـح(ن) وسـط القفـار الجرهـديّـه

يرمي العزبـة علـى كتـوف السهالـي

وينـقـل (اربابـه)ونـاي وسمسمـيّـه

ثـمِّ يسحـب فـي قصايـدْه الجـزالـي

هيّضـه للبـنـت صــوت الراعبـيّـه

الـوجـد ذوّب خفوقه.لـيـن. سـالـي

يـومِ شـاف الريـم مقتـولـه بـريّـه

يالنّصـوح افهمنـي نصْحـك ماعنالـي

وأعلـم انّـك ماخـذه مــن تمثلـيّـه

لكـن الواقـع بعيييييـد عـن المثالـي

انـت عنّـي كالوطـاة عــن العلـيّـه

هـذا انـا ياهيـهِ وافـهـم ماجـرالـي

بالليالـي كـم نقـل راســي علـيّـه

وهـذا انـا ياهيـه واسمـع ماطرالـي

يـوم شبيـت السعيـره مــن هنـيّـه

لاجــزاك الله خـيـر(ن)وش بقـالـي

مـن بعـد بنـت الشيـوخ الجابـريّـه

لاتوصّينـي وكــف قــول الهـزالـي

ولا تفلسـف بالحـكـم مـالـك ولـيّـه

لو عشقـت أشباههـا... جـاك الخبالـي

كيـف لـو تعشـق حسـن كـل البريـة

ياعمـرو ماجتـك ياعمـرو الجـلالـي

لاقطعـت ارض(ن) ولاجتـك المجـيّـه

لـو وطيـت بكـل حــالات الرمـالـي

مـن سنين(ن)صـار لـك جيّـه وجيّـه

كـفّ عنّـي خــل قـولـك للعيـالـي

شيبـي عـن خمسيـن بعثـه خارجيّـه

الهوى لأحكـم علـى قلـوب الرجالـي

قفّلـوا المشفـى وصـكّـوا الصيدلـيّـه

والهنوف الـي ملكـت خيـر الخصالـي

نــــادرة ...لاوالله الا اوحــديّــه

(ا)رحلـت جبـر وبـدى ينسـم حالـي

شـدّو أهلهـا بـهـا لارض اقطـريّـه

ليتي ماعرفـت الهـوى دالـه وسالـي

لاهـوى شرقـي ولا بـي مـن بلـيّـه

وشفتها وشفـت الجمـال الـي انزوالـي

غيـر عـن كـل البـنـات اليعربـيّـه

لـو بوصّـف حسنهـا شيّـن يقـالـي

وبعـض شيّـن لـو يوصّـف كارثـيّـه

كان كلّـن عـاف عشقـة مـن مقالـي

ويـن لـه مثـل الهنـوف السرمـديّـه

لاقصـيـره لا. ولا ضـمـن الطـوالـي

وفارعـة وقــت التشـهـد والتحـيّـه

خصرهـا عفـوي يتثنـا فـي تعـالـي

والحـشـا مـثـل الـمـراة الزالقـيّـه

ومادنـا لاشفتـه (ا)يجينـي اختـلالـي

اسـرق النظـرة وتـزعّـل مستحـيّـه

غيـر بانّـي شفـت هالسّـاق وبدالـي

ابيض(ن)مصبـوب صـبّ المزهـريّـه

عينهـا لاسلهـمـت لــي باختيـالـي

اشعـر ان الـكـون بعـيـون النقـيـة

ماجد(ن)مـاهـو بــالاول يـاحـلالـي

قولوا يعنـي.... قيـس ليلـى العامريّـة

مثْلـه أمسـي بالخـلاوي دون أبـالـي

الثّـرى فراشـي وترعـانـي الثـريّـة

انقطـع حبـل الرجـا وكـل الحبـالـي

مـن تعـدّت حـد سلـمـى موادعـيّـة

راعنـي علـم الـوداع وجيـت مـالـي

غيـر بـدع القـاف حــزّة مغربـيّـه

كانهـا لازالــت بــذاك الغـلا...لـي

بلّغـوهـا بـاقـي لمـاجـد وصـيّـه

لاسمعتـي بأنـنـي جـانـي مجـالـي

وحضـرت سـاعـة مـلاقـاة المنـيّـه

اعلمـي بأنّـك سبـب كـل اعتـلالـي

وش هنوف(ن) خلّـت الليـث الضحيّـه

والله انّــي يـاحـلالـي لا ابـالــي

حـزّة المـغـرب وجــت كيبـورديّـة

جيت اوقّـف لكـن الهاجـس ندآآآلـي

جابلـي مـن وادي عبقـر شيصبـيّـه

وافـيـه عنـقـا جـزالـه عيطبـالـي

ساقهـا لـي الحـوت حـوت المظلميّـه

مـن وسـط غبّـه بهـا سبعـة ظُلالـي

ظلمتـن مـن فـوق ظلمـه خرمسـيّـه

والّـذي انـزل كتـاب(ن) غيـر بـالـي

فـيـه فــات وآت وعظات(ن)جلـيَّـه

مرتجلهـا جــل جــلّا ذو الجـلالـي

واهبـي علْـم(ن) لـدن ماشفـتِ زيّـه

واحد(ن)فرد(ن)احـد منشـي الثقـالـي

يخبـط(ن) غيث(ن)تسـحّـه عقربـيّـه

الّلـه الّـي قـد حمانـي بمـا مضالـي

بالعشـر والحشـر والسّـبـع الثنـيّـه

واللّـه الّـي مدّنـي بـالّـي طغـالـي

وعزّز (أ)بما... مـا لغيـري بكـمّ ميّـه

ربّـي حبس(ن)حابـس(ن)يالمُتعـالـي

مـع شهاب(ن)قابس(ن)لـي حـارزيّـة

ربّـي لسْنـا الّْا عبـيـدك والمـوالـي

ياإلاهـي انــتَ جـاهـي لا الدعّـيـه

أنتَ مـن أنعـم علـي والشّعـر مالـي

لاتكلنـي لنفسـي او نـفـس الغـويّـه

ربّـي ان الخلـق قـالـوا ذا محـالـي

ليس لي !!! من سبـك عامـر والبقيّـة

ربّي هل عامـر سـوى رجـل انعزالـي

راعـهـم طـاريـه قـبـل المقدمـيّـه

ربّـي هـل أتباعـي إلا مـن عيـالـي

يخطفـون البيـت قبـل ارسـم بيـديّـه

لاغـدت مابيـن قيـل وبـيـن قـالـي

هل سواي احْد(ن) قوى يقـص الخطيّـه

ولاغـدت مابيـن صـال وبيـن صالـي

هل سواي احْد(ن) قـوى يـرد السريّـه

ربّـي قـد الزمـت نفسـي ألامتثـالـي

للصراحة والصّـدق مـع حسـن ِ نيّـه

ربّي قـد الزمـت نفسـي لـو صفالـي

يومـي بنسـى كـل ليـالـيّ الشقـيّـه

ربّـي انّـي انْ بعـت بابـيـع غـالـي

وان شريت افلا سـوى رجـال(ن) ابيّـه

ربّـي انّ الليـل طـال الليـل طـالـي

والعـرب مابيـن هـوّ وبـيـن هـيّـه

العُقـال ويبكـي مـن فرقـا الحجـالـي

يـوم طارتبـه عــن الارض الحـديّـة

يازمـان(ن) يخلـف الهقـوات تـالـي

يقطـع اطْنـاب المسـوبـع جاولـيّـه

المراكـي واصبحـن تحـت الـزوالـي

والوجـار ولا بـقـى لــه افضلـيّـه

أشهـد الموقـف ونـا طبعـي شمالـي

وصدري اوسـع مـن جميـع الدائريّـه

لكن الصدر الشمالـي ان ضـاق هالـي

ينفجـر مـثـل البراكـيـن (أ)بـدويّـه

الصّـدر دمـدم علـى صـوت الجدالـي

والكبـود أكْلـت علـى نـار(ن) ونيّـه

اسئـل المهـمـوم ويــردّ السـؤالـي

مالقيـنـا لــه جــواب ولا دِريّــه

برسـل استفهـام يومـي لمـن ومالـي

وش عـلام القومـي يرمـي الناصريّـة

علّمـوا حــزب الـوفـد ياهمّـلالـي

والله انّه غارقن ( بس . كن . دري يـة )

عمرو موسى يلقي (أ)خطـاب ارتجالـي

ساعـي (أ)بلـم العـرب يسعدلـي بيّـه

لكـن (أ)معمّرقطـع والصّـوت طـالـي

ثايـر مـن الـعـام فــزّاع لسمـيّـه

والشّعـوب (أ)تقسّمـت شيّـن سحالـي

وسمّـوا الاخـرى تماسـيـح خفـيّـه

وحْدوهـا ياعمـامـي ويــا خـوالـي

قبـل يغـدون العـرب لقْـمـه طـريّـه

خلّـوا البـث للجميـع ان كـان ضالـي

علّنـا نبـصـر حـلـول(ن) عالمـيّـة

كبْدي لو تقدح تبي (أ)تسـوي اشتعالـي

وعينـي اخبرهـا الا وصلـت عمـيّـة

القصف عشوائـي كـل شـيّ احتمالـي

يمكن ارمي حتـى نفسـي فـي شظيّـة

لانهـا قـد وصّلـت فـوق احتمـالـي

والقصف جـو ارض حايـس بالفضيّـه

نفسي نفس الّي عشـق روس الطوالـي

نفـس حـرّ(ن) مقتلـه جـو الدنـيـة

الزّمـن يبطـي فـلا يـعـدل عقـالـي

كـاسـره يمـنـى دلـيـل الخالـديّـة

ملحمة الليث والمهاة - ماجد الزيد