غارت الخيل الاصايل - ماجد الزيد
ياقلم جاوب على صوت(ن) بعيدن له نحيب
وانت كلك فدوت(ن) له وفي يدينه كالزمـام
حي من صوته ينادي من بعيد(ن) للقريـب
دامِ صوته وسط جوفي يبشر انـه مايظـام
ياقصايد وكفخي من مدرج(ن) خطّطه شيب
احملي اذكى القنابل لزمـت الغـارة لـزام
اقصفي كل المواقع واقصفي كلمـا يريـب
الكدي الباس بقدمكي وارخي للعنف اللجـام
العدو من كنت احسبه عام الآول كالصحيب
بيّنت فيه الخوافي وطيّـر الرّيـح الخيـام
لو برزّلي في قتال(ن) ضربتي ملها طبيـب
اجعله متضرج(ن) بدمـاه للبيـداء طعـام
كيف لا وانا الذي ماقيـل نيشانـي يخيـب
يرمي نيشاني الهدف ولوهو في عتم الظلام
حي مصهال الفرس لاطارت وغز السبيـب
كنّها وقـت اللقـا قصايـدي بيـن الانـام
عبيتن عربا وابوها حصانن مسلسل عريـب
مهرتن مرباطها مـن مخلديـات2 العمـام
هذا انا عسافهـا واهديتهـا بكيفـي لذيـب
لاعوى ثم امتطاها شقق صفـوف الزحـام
المهلهل جنب قلبي يعـوي ويقنـب قنيـب
يقنب قنيب الضواري ويعوي من فرقا الهمام
غارت الخيل الاصايل مع بدايات المغيـب
ويل من تصبح بساحه وقايد الجيش السقـام
السحب ترمي رماح والورق ساح وكتيـب
وقايد الحرب الدماغ وفكره يقـص العظـام
كبدي ماهي بارده والقلـب مـاوالله يطيـب
ومن سئلني كيف حالك قلت له ماني تمـام
لكن الهقوة بقصايد لارمت كبد(ن) تصيـب
وتفزع اليا صاح قلبي وجردت يدي الحسام
ياقصايد هاك رمحي اللي مضرابه عطيـب
اصعقيبه مثل برقـن لاتدلـى مـن الغمـام
ماني ماجد بن حمد ولانـي ذيبـن للكتيـب
انما خليت العدو متزلزل(ن) قلبـه حطـام
و يحسب ان المبادي لعبت(ن) بيد اللعيـب
او هو يحسبها سوالف مثلهـا مثـل الكـلام
جل ربي وعز شانه ياهـب بليـا حسيـب
ولا لوهي بكيفهم ماحيـروا ربعـي النعـام
المهلب ماحسب لابـن الفجـاءه او شبيـب
ولوهم اشرف من عدوي لكن التشبيـه قـام
الخوارج يحسبون انّـا خـوارج يالحبيـب
نسيوا ان الدين تـم وكلنـا راعـي عـلام
عيرونا بالكبيرة ولاحـدن منهـم مصيـب
كنّا من روس الولاه وهم عصاتـن للامـام
مانسينا يالوجيه السـود ماضينـا الرهيـب
يوم شيدنا مباني العـز وانتـم فـي ركـام
جايز يطول الظلام ولكـن العقـل اللبيـب
يعلم ان الله حي والشرع لـه يومـن يقـام
القصايد واضحة والمعنى في صدري يغيب
لكن اللي يشوف شوفي يشوفها باعلى السنام