شمّا والمرج الدهيماني - ماجد الزيد

لاصرت فوق الكوكبة واقدامي من تحت الوطاة
هذا دليل(ن)باننـي حاجـز مابيـن المشرقيـن

شاون شلولـن حارقـن قافـي يولـع بالـدواة
والله مالحدن جزاله فـي حضـور الحارقيـن

انا الذي في رأسـهِ ملايـك وجنـن عصـات
حين الرضا نور وضيا وعند الغضب بالمفرقين

اب يختصرها للجميع ام نل جليـدي للحصـاة
الله رفع نجمـي عليكـم وافهمـوا يالغارقيـن

قولوا غرور او كبريا ماهمنـي قـول الحكـاة
القاف قافي ذا انـا مـن سربلـه فـي فيلقيـن

فل يشهد العالم جميع انّـي جنـون الغائبـات
والله ماجن يم حـدّن قبلـي بنـات السارقيـن

البستلي جوشن طرق لي صفحتيـه القاسيـات
ابنـاء عامـر والسليّـم اليعربـي البارقـيـن

انا الذي سمّتني شمّا حـوت سبـع المظلمـات
شهادة لماجـد مهـي شهـادة امـن المارقيـن

لعيون من ترمي بلحظها الخافقـات الحائمـات
والله لافرع بالشعر حولـي بنـات الطارقيـن

القلب من بعدك يلج اذنيـة صـوت النادبـات
شق الجيوب ولطم خـدّن ذاع بيـن الخافقيـن

السائحـات النائحـات الصائحـات البائحـات
طارن بليلن مظلمن من عندي مثل الخارقيـن

دارن على كل البسيطه في مطيـر الطائـرات
ودليلهن ريح(ن) عطر من مسك بنت الشاهقين

بنت الشهير الزبرقـان الّـي حدتنـي للمـات
الروح تشخر واصله مـن بعدهـا بالحيلقيـن

ياكيف ابحيا من بعد هـك العيـون الناعسـات
الي حماهن رمش مثل رماح رمي المزرقيـن

لو عادني باذوق مـن مبسمهـا مثـل الاولات
لامشي لها فوق الجمر واشرب عليه الازرقين

المبسم الّي فيـه جـو الثلـج ونسيـم الفـلات
يحيي رميم العظم لو تنفخ له ام نـل فارقيـن

شمّا ولاجلك قد هبطت اف بطن وادي الخاربات
وعلوت فوق المرج الادهم مع عداد الحاذقيـن

وخلعت لاجلك خلعتن اكسيتها بايـدي البنـات
والشيصبان ايطل لي ويّـا الالـوف مصفّقيـن

اعلو بنا بالشعر واصدح في اعاجيـب اللغـات
يابن القريشي قم وزمجر فوق تـل الخارقيـن

فعلـوت بالمـرج الدهيمانـي توثبـت بثبـات
والكاسيـات العاريـات يزغرتـن للصاعقيـن

شمّا وقال حواسـدي انّـي ادعـاء الخارقـات
هل صوت حسّادي سوى نعقن وويل الناعقيـن

اقزام هم وان ادعوا اقزام في وسـط القنـات
لم يظهروا بكثيـر مجد(ن)مثلهـم كالسابقيـن

ارض الجزيرة كلها مبها سوى ثلاثـة طغـات
هم من طغوا بالشعر حتّـى يبلغـوه اللاحقيـن

الجيل هـذا مابقابـه غيـر سبـع المعجـزات
قبله انا ثـم بعـده رجلـن جنوبـي ذا اليقيـن

مانـي بناكـر للرجـال حقوقهـم بالسابقـات
اعرف فحول الشعر وانعم في جميع الشاعقيـن

الا انّ للقالـه فرايـد خـص نصّـن للدهـاة
ماقد طرقـن لقبلهـم والّـي بعدهـم عالقيـن

شمّا اليك سارو الاتبـاع فـي شعـري حفـات
هلّي بهم كل امنياتـي بمـا بعثـت اتصفقيـن

هلّأ سئلتي الليـل والاقمـار ويّـا السائـرات
عمّن نزل وادي الشياصب ضيف قوماً ساحقين

شمّا لاجلك قد عركت اصحاب سبـع معلقـات
عنتر وابو الخطّار وشيصب مع نمير موثقيـن

شمّا لاجلك قد رميت ازهير في بيـر الجنـات
وعتاب ابن حبنا بحـدّه مالهـم مـن مطلقيـن

شمّا لاجلك قد طلبت الدير بـن حنّـه سنـوات
حتى بلغت الغار قبلي مـا اكتشفـه الاحمقيـن

شمّا لاجلك قد سكبت الزيت فـوق المارجـات
وخلعت لاجلك كل بنـات اتوابعـي المتقلقيـن

شمّا ولك سارن حروفي باكيـات(ن)راجيـات
ازبانية همّـي علـي كـروا لدمـي هارقيـن

شمّا ومن بعدك يقول النـاس دانينـي وفـات
يارحمة الله بالفتى والجـن دمـوع مغورقيـن

ان كنت ازمعت الفراق افهل لقلبي من وصـاة
اتزوري قبرن لي محله فـوق تـل الصادقيـن

ان كنتي شفتيها بلاغـه فانتـي ام الملهمـات
وان كان شفتيها جنون انتي جنـون العاشقيـن

عادن علي في ليلتن ظلمـا وصبّـن الـدوات
ربّي تباركتـا الاهـي انـت خيـر الخالقيـن