العبدَ يُقرعُ بالعصا - ماجد الزيد

يا عاطف المضروب جنبه لا هجمنا ما هجم
إلا بتالي وقت ٍ اقشـر تافهـن مابـه رجـا

السّالفه ماهي خفـا ينـدل منهـا المنّجـم
معروفتن منذُ القدم تعلم بها سلمـى واجـا

اسْعيد عمّه قد غزا حدّر تحـت ذاك الرِّجـم
ماعوّد من الغـاره الا فـي سْعيـد ٍ انْفجـا

ماخذ مكانه والشّليّـه داخـل ٍ فيهـا عِجِـم
استنكر الزود وعلم بـن الحرامـي عرّجـا

خلّك من اللي لانظر يوم الكريهـات انْوجـم
والله يخو خضرا يخلـي دْميّغـه يتدحرجـا

الشّمس ماتُحجب وهي تحجب بطلّتها النّجـم
والخيل تغزي بنورها وسبع القبايل تسرجـا

النّاس من فيهم حليم يْعفّ عن ناس ٍ طجـم
وايظاً بهم كلْ اهبل ٍ مع كـل شـر يْعجعجـا

الشّر قفّا والعرب كلٍّ مـع الوقـت انسجـم
النبْقَ والنّسريـن نامـي بينهـنَّ العوسجـا

العبْدَ يُقْرَعُ بالعصا وان كرّت الخيل ايحجـم
ون حط راسه مع حرار ٍ طار عنّـه مانجـا

واللي انضرب جنبه هبا يهجم لمن مثلي هجم
نسرج كحيلات ٍ وهو ما يركـب الا هودجـا