بن سالف - ماجد الزيد
على صدرك يابن سالف بسالف مامضى مريـت
ثمود اشقـى ثمـود(ن) هـاج اشقاهـا واشقاهـا
وانا يا قدار لاجيتك ابا اطحـن هامتـك لاجيـت
مصيبـة والله ارسلـنـي ولاتـقـدر توقـاهـا
وطاك الليث ياعتل(ن) زنيم(ن) يابـن الخرتيـت
شجر زقوم في حلقك.... شجـر زقـوم واسقاهـا
رماح(ن) لي ونا ابن قريش تفتت هامتـك تفتيـت
من ابناء السلاطن خـذ رمـاح المـوت تلقاهـا
ونا واحد وبا امثل عن بني خالـد وقـد عاديـت
وخـذ رمحـي بكبـدك شـق باطنهـا وعلقاهـا
ضحكنا ضحكت(ن) واليوم ساع الكر والتشتيـت
بكر برايـت(ن) عنقـا ويامـن شـاف عنقاهـا
توسعنـا وخلينـا صغـار القـوم اهـل ببـيـت
تعلـى فـي مواقفـهـا وسكنـاهـا وملقـاهـا
عرفنا زمرت السقطى وشفنا زمرت ابـو بشيـت
تعلـى بالمجالـس فـي حديـد القـوم صنقاهـا
الا ياويلهـم لامـن اساميهـم زعـل سمـيـت
لامثَّـل فـي اساميهـم والـوَّث صافـي انقاهـا
وش الي يجعلك تجنح عن كرام اللحـى لتكريـت
الا يامـدور الزلـة علامـك قـمـت تنقـاهـا
ياويلك هاج الفين(ن) عليهـم قايـد(ن) عفريـت
تحت روعي وهم نوعـي وروس الجـن ارقاهـا
ركابي فوق ظهـر الجـن تعليتـه وثـم شديـت
وطاروبي الى الجـوزا وشفـت الكـره سقَّاهـا
وداروبي على طوعي حتى فـي زحـل حطيـت
وشفـت ابـراج عاجيـه بهـا اقـزام ترقـاهـا
وقدت جيوش مملكتي ملوك الجـن ثـم كزيـت
ظهـر جنيت(ن)تحتـي ويـل الــي تلقَّـاهـا
عسفت اشرس بني مهرس وسرت بهم ونا الخريت
اعرف اصعب مسالكهـا الا مـن تـاه حمقاهـا
طحنت اللي علي سلَّي سيوف الحقـد ثـم سليـت
سيوف الثار مثل النـار تحـت يمنـاي طرقاهـا
وخذها عن جميع احد(ن) من ابناء القريشي تميت
عفاريت(ن)تحاضبلـه! وهـو برجـاي ورقاهـا
الا يامبدي الحارة على الحيزا واهالـي الصيـت
الا مـا رق جنحانـك فــلا تـقـدر تشقَّـاهـا
علامك ياقصير الـراي بـراي التفرقـه حليـت
الا لامرحب(ن)بـك يـا ذباب(ن)فيـك زرقاهـا
جنحت ومثلك ان جنَّح نقـول اطيبـه ماسويـت
ولـكـن لاتعذربـنـا ورب البـيـت تشقـاهـا
عليك الجن ويا الحن على سورك لهـم تصويـت
دمج ماجـد دوى نونـة مـع الجنـة وعرقاهـا
الا يامقرد الجانح سواتك لاجـل كـم مـن بيـت
من بيـوت(ن) يجمعهـا كثـر اسبـاب فرقاهـا
الا يامعـذرب اللمَّـه تحسـب إنـا الا زلـيـت
نعديها .....فلا تمشـي عصبكـم دون صفقاهـا
ودنَّت ساعتك يـوم إنـك قصـة حيَّكـم دنيـت
تمثـل راسـك الحـذوه وحذوتكـم لسرقـاهـا
عليكم تحرم العشـره عليكـم حـارم التصويـت
تعرف المغزى والمغزى وبيـت القـول باشقاهـا