خيول الغلا - محمد الإبراهيم
أبسرج لك خيول الشعر وخيول الغلا لرضاك
و انا عندي رضاك إلى حصل ياشوق يكفيني
سلام الله على شوفك سلام الله على طرياك
تذكرتك ونار الشوق وسط القلب تكويني
غلاك اللي سكن روحي على كل البشر علاّك
وعلى من حبتك روحه تدلل يانظر عيني
أنا مرخص لك الغالي وكل اللى تبي يفداك
أنا يزعلنى اللي يزعلك وارضاك يرضيني
أبا عيش الغلا واهيم من دنياي في دنياك
لعلك ما تعيش بحالتي وانته مجافيني
و اظن اللي بقلبي يا عديل الروح ما يخفاك
ولكن التعب ياشوق عاده للمحبيني