جمال الروح - محمد الشمّري
سلام الله على سامع حروفن بالعبير تفوح
سلام الله على قلبن طواه الشك والتفكير
طواني ليلي البارح يبي مني سهر مبيوح
وعيا النوم ياتيني وهل الصبح وصوت الطير
انا يافهيد تخبرني يلبسني جمال الروح
عذيب الحرف وشفاتي تهل المعسله تقطير
واحب المزح بحدوده ولاني جارح المجروح
اديب القول واقوالي تعانق شامخات الغير
حبال ابليس ممدوه ومن يخطي ترا مسموح
وانا وانتا وكل الناس وكاد بيوم يجي تقصير
حمانا الله من النيه ولا كل الجبال صروح
ومصير الرجل بالزله ولكن ما نعكس السير
انا محتار بالدربين ولاادري لوين اروح
وكلام الحق بيبانه تعاكس ناوي التسكير
وانا بالحق وفاين وكل زله لها مدموح
ولا ندري بيدمحها وعسى ربي يجيب الخير
عذور الحرف سباقه على غالي عزيز الروح
وانا كل اللي صاحبني يرد المدح بي تفسير
حروفي ابدت حظرا ولالي باطباع اللوح
ولن احفظها لا والله مدام النيه بالتبرير
سلام الله على سامع حروفن بالعبير تفوح
سلام الله على قلبن طواه الشك والتفكير