غالي - محمد الشمّري
اهداء الى الشاعر فيصل الخالدي
يابو فهد لي صاحبن غالي على قلبي وثمين
موطنه داخل خفوقي واستحل نص الصدر
يالحشيشي والوصيه تكتب بدمع الحزين
دوك عذري وارسله للخالدي وهات الخبر
وقله اني من عرفته حل في قلبي دفين
وانغرس يشموم حبه وحينها هل المطر
واثمرت داخل عروقي له ورود الياسمين
وانكتب حبه علينا وراضي بحكم القدر
يابو فهد والسالفه ماهي على خبر الفطين
دارت وفرت والشبر لامايقارن بالمتر
يالحشيشي طاب فالك وصل الهرجه بلين
وحبلي خشمه وقله واصله من ابو صقر
اشهد انه يالحشيشي شاعر ويكتب سمين
والجزاله باسم فيصل وتشهد الوان الحبر
واشهد انه بالشدايد ياقف بوجه اللعين
يردع الخايب ويصمد لاتواسا للقشر
يالخالدي معروف فعلك يومها قسوه ولين
معروب جدك والقبايل تشهد ولاهي نكر
واقف على باب الكرم واللي لفا علمه يزين
والدلال مهيله والنار تشكي من السمر
هذي حروفي واقفاتن من يسار ومن يمين
لك تغنى كل حرفن والشطر هز الخصر
ماعلى قرم النشاما غير هفوات السنين
اسلم وسلم يالرفيق اللي بقلبي له قدر