ياناقش الكف - محمد العايد
يعني بكيفك..؟ تولعني وتمشي!
وتصحي السهد وتوصي جيوشه
أنا :من الليل ماغمضت رمشي
النوم يرقى عليه ولاينوشه
تجمعي ..ياغيوم الشعر وانشي
هلي سحاب القصايد في رموشه
ظبي بغا نضرتين وجاه كل شي
ياوجد حالي على شمة رشوشه
الغوش.. قفوا قبل ليلة بطرشي
وانا على الهاتف أتحرى طروشه
ياناقش الكف.. ما ترجمت نقشي
شاعر قطف لك من القمرا نقوشه
ياتاج ملكي..وياشعبي.. وعرشي
بس اقفل الباب واتمخطر بحوشه
من يوم شفتك وقلبي جاك مغشي
تقول.. بينه وبين الغيد هوشه